Lingua castelá e Literatura

O eixo do currículo de Lingua Castelá e Literatura en Educación Secundaria Obrigatoria (ESO) constitúeno as competencias específicas relacionadas coa interacción oral e escrita adecuada nos distintos ámbitos e contextos e en función de diferentes propósitos comunicativos, así como co fomento do hábito lector, a interpretación de textos literarios e a apropiación do patrimonio cultural. A reflexión explícita sobre o funcionamento da lingua brinda as ferramentas e a metalinguaxe necesarios para desenvolver a conciencia lingüística e mellorar os procesos de expresión, comprensión e recepción crítica.