Relixión Católica

Coa súa identidade e natureza, a materia de Relixión Católica, en consonancia cos obxectivos da Educación Secundaria Obrigatoria (ESO), favorece o proceso educativo do alumnado, contribuíndo á súa formación integral e ao pleno desenvolvemento da súa personalidade. En concreto, propón contribuír á maduración do proxecto persoal e profesional, con liberdade e responsabilidade, en diálogo coa antropoloxía cristiá e os seus principios e valores sociais.